赤柱藝墟-動物團

好期待5月的赤柱藝墟, 都算是我第一次在這種環境擺檔~ 好鐘意佢地既image, 見到就覺得好開心. 那天將會有幾種動物陪我一起去, 當然包括了花生糖的化身~

繼續花貓~

假期的最後一天了~ 希望好快可以適應新公司的環境啦~ 這幾天忙著完成freelance, 還有去深水寶掃貨~ 叫佢做深水"寶", 因為佢隱藏著唔少好東西, 只要細心看慢慢找~

這是昨天做的花貓. 下星期要做水晶膠飾物~ 我記得中學時做過的, 好緊張呀~

2010的第二篇, 我和花貓在市集~

原來已經有4個月沒有寫Blog了, 我的日記去了其他地方.......

2010年做了很多東西~ 教琴啦, Handmade啦, 睇Alice啦, 睇星光演唱會啦, 還有搵工~ 上星期剛剛考完試, 我決定搵回我喜歡的, 教琴還是不太適合我... 幸運地, 新工很快找到了, 似乎不是最喜歡的, 之前亦未接觸過, 但重點是5天, 可以做更多想做的, 所以試一試吧~

還有一星期的假期, 買了衣車~ 可以做更多貓貓, 這是最近做的~ 只有兩款花貓, 我幫佢地改左個名... 叫小野花貓及菊花貓, 我知道如果我唔講, 一定無人知道係小野花同埋菊花....... 無論如何我會畫更多的~ 新的花貓暫時有Key Chain, 電話繩, Brooch, 放在好朋友的錦上路市集 (中間橙色屋頂那排, C19舖) , 朋友仔售賣的還有靚衫, 鞋, 袋, 耳環及她自製的布包Button髮圈. 我通常星期六便會到那裡玩玩, 哈哈, 我覺得很好玩, 在市集賣野好開心的~ 我希望價錢比之前大眾化, 因為我想更多人可以開開心心帶著她們回家~

我還是衣車新手, 這條人造皮+花布疊著一起車的手機繩..... 車了一個半小時............才比較像樣... 幸好有鄰居嬸嬸教我~

相片相片~

快樂的市集後記

昨天的市集非常好玩, 之前其實好緊張, 又頭痛又想嘔, 但市集後, 又有星光大道做娛樂, 今天好番了, 只是有點傷風~

我好喜歡這個市集的感覺, 所有的人, 食物 (那裡有廚房的~)及氣氛, 就由剛到步聽到的一首歌聲伴我心配樂開始, 是我MP3 中最愛聽的音樂之一, 還有在我旁邊的檔主, 很熟悉的面孔, 她很喜歡我做的手作, 特別喜歡貓耳環, 有客人時幫我推介一番, 還替我找來大紙盒做Table, 令我的手作放得高一點, 她是誰? 我忍不住問她, 她就是愛與狗同行的導演, 跟她相認了, 她們很好人呢, 很開心! 她也是浸大的Lecturer, 她令我想起我以前的老師, 而我變回學生. 她們跟搞手是朋友, 到來出售家中過多的好東西, 我也忍不住買了一本很抵的design書 ($20 only!!)

對我來說, 有得玩又賺到少少錢買狗糧已開心, 把我的手作帶回家當然非常開心！ 但只是一聲Hello, 見到大家開心的看著我的手作, 拿著我的名片, 給我一個微笑, 亦很甜很開心呢, 多謝所有探我及支持我的朋友仔！

這是朋友探我時影的~ 原來擺市集並不容易的, 在家中試擺時, 覺得滿滿的夠貨的, 但原來... 太少貨了, 選擇太少, 種類及用途較冷門, 而且放得不好和太矮了, 大家都看得辛苦, 下次一定會整得更多更好的!

Ps. 其實online shop未做好的, 遲一點會做好的~

共做了6 隻花花貓~ 手都軟....

永遠都是對著我微笑的戰友~ 當年學校的日本旅行時買的, 當時只是幾百yen.

這些是家中拍的~

今個星期日 Cloth Heaven 市集

第一次擺市集, 又緊張又興奮, 不過應該幾好玩的, 擺完市集做什麼? 有節目呀, 趕回家看亞洲星光大道決賽~ 同市集一樣, 不要錯過呀~

G/F 43-45 Square Street, Sheung Wan (near Man Mo Temple)


上環四方街43-45 號地下(近文武廟)

12noon - 6pm

地圖: http://www.clothhaven.com/images/map.jpg

我的心血, 我的第一個格仔~

終於有時間放相片了~ 沒有偷懶啦... 只是忙著做手作, 雖然好累, 但真的好好玩, 細細件, 不花地方放置, 又可滿足我喜歡整東整西,買東買西的欲望, 就好似將自己好多既願望同想法變成迷你版, 然後逐一實現, 感覺係好開心架, 所以佢地全部都是我的心血.

這是今天剛完成的格仔箱Mock up, 沒有時間問哥哥借機逐一拍呢...

格仔箱在葵涌廣場1/F Cubic Dreams (大家樂附近), 只會賣飾物, 有貓有兔有鹿有星星, 還有花花及樹葉~

如何找我的箱子? 有下圖的花生鹿做裝飾及Tag 全是有狗狗die cut樣的, 那隻狗狗造型跟花生糖細個時的Poster 很像很像的~

下個星期日將會更好玩, 是我第一次擺市集~ 不懂得亦不喜歡做大生意, 但這種市集買賣, 好鐘意, 我會晒冷, 什麼也帶去賣~ 這幾天要努力趕工先得啦

店主問我這隻鹿是否賣的, "花生鹿"是不賣的, 因為只買了一隻..., 佢暫時是一隻大配角, 所以要低調, 遲D我就會將佢改裝成一隻花呢鹿, 哈哈~